Om prosjektet Rydd Sogn og Fjordane
Fjordane Friluftsråd, finansiert av Miljødirektoratet, koordinerar strandrydding og førebyggande tiltak mot marin forsøpling. Vi dekker kysten og ytre fjordstrøk i "gamle" Sogn og Fjordane og medlemskommunane våre er Bremanger, Kinn, Askvoll, Stad, Stryn og Solund.
Vi kan hjelpe med å organisere strandryddingsaksjonar, handtere marint avfall frå ryddeaksjonar, rapportere og kartlegge plastforsøpling i ditt området eller opprette førebyggande tiltak.
Vi har satt av motivasjonsmidlar i budsjettet som organisasjonar/lag/skuler kan søkje på om ein har idéar i arbeidet mot marin forsøpling. Det kan være strandryddingsaksjonar, opplæringsaktivitetar, temakveldar og andre førebyggande tiltak.
Visjonen vår: å vise befolkninga problemet og inspirere til å ta vare på naturen.
Prosjektet har fire fokusområde:
- Fjerne marin forsøpling i Sogn og Fjordane med fokus på dugnadsinnsats;
- Utvikle førebyggande tiltak mot marin forsøpling med relevante aktørar i Sogn og Fjordane;
- Samfunnsvitenskapeleg forsking om marin forsøpling;
- Vere ein informasjons- og nettverksport for marin forsøpling for lokalbefolkninga.
Les meir om korleis du kan bidra og kordan vi kan støtte deg her!